تایكێن مهرجانان
ئهز نه ئهو مهلهڤان بووم
بێبهختیىَ ب كهنارێن ئاڤىَ بكهم و
زڤرِۆكێن لههیىَ بهینمه بهر دهرىَ مالا ته،
من باش دزانى مراریان ژدهڤىَ بهقان بدزم و
خۆ ب شاپهرِێن نهههنگان ڤه بگرم...
نویزێنا دۆلفینێن غهریب ژى
د پهقیشكان دا زیندانى بكهم.
وهلىَ چ ژبۆ دلرِهقییا وىَ سیپهلىَ بێژم
كو ئهز نهچارى ههندىَ كرم
كهلهكێن ماسیڤانان بێخمه بهر پێلا ئاڤىَ و
قولابێن وان ل تایكێن مهرجانان بئالینم...
لهوما ژى گاڤا سهرپێهاتییا خهندقینىَ دبهیزم و
رستۆكهكا سۆرا قهتیاى دبینم
پشتا خۆ ل دهشتێن تێهنى دكهم و
ل ههمبهرى وىَ گهمیىَ رادوهستم
كو سهرنشینێن وىَ بوونه دۆستێن مرارییان،
بهرىَ خۆ ل چاڤكانیێن رویباران دكهم و
خورِ خورِا ئاڤىَ دبهمهڤه ناڤا دهریایان...
بێنسارییا پێلێن دانعهمر
دكهمه خۆشترین گولاڤ و
گوهدانا بهیتا بارانىَ و
قیرِكرنا لاوكا خابیرۆى ژى دكهمه فهرز
بهرى كو زهند و بهلهكێن پیێن من
ژپهشكێن بارانىَ عاشق ببن،
دوهرچهپێن چ رێكهكێ دا وندا نهدبووم و
دبهر نێرِینا پرتێن سپیێن عهڤران ژى دا
سهر و رهىَ من سپى نهدبوون...
تنىَ دهست و تلێن من
ئاشۆپێن وان پرتێن بهرفرهه رادكرن و
یهك یهكه دكرنهڤه دبن ئاخىَ دا...
یان ژى تێكههلى كهفێن وان پێلان دكرن
كو لێڤا دهریاى ب ئێریشێن وان نه دشكهست.
بهرى كو ژ زوهاتییا بیابانىَ برِهڤم
زڤرِۆكێن چ روویبارهكى نهدشیان من بخهندقینن و
من نالینا وان لسهر پشتا نهورهسان سویار دكر،
ئهز بووم چهتهڤانىَ دهریایێن بىَ پهقیشك...
ئهز بووم گهمیڤانىَ بیابانا بىَ دویماهى
لهوما ژى گاڤا ژبۆ پرتێن قایغهكى كهفتمه دبۆسىَ دا
هندى هوینكاتى دمندا مابوو
نهما...
هندى خهونێن هوینكێن دمهژیىَ منداژى
كهفتنه بهر باهۆزا ئاگرى و
گهرمىَ سۆتن...
ئێدى دناڤبهرا تێهنا گهرم و
سیپهلێن تهزى دا
من نهزانى خۆ رادهستى تۆرِا ماسیڤانهكى بكهم
یان ژى بهرهڤ سویلهمێن ئاگرى پێنگاڤان بهاژۆم.
بهلىَ ئهز بووم دۆستىَ ب كێر نههاتى
یىَ كو نهشیا پێلێن ئاڤىَ ژێههل بزڤرِینت و
هناڤىَ ماسییهكى بشۆت و
سپى بكهتهڤه...
بهلىَ ئهزم یىَ كو نهشێم تنىَ لبهر دهنگىَ مۆزیكا بابهلیسكان ژى
نه بنڤم و
نهژى بكهمه كهنى...
ژبهركو من ئهو كهنى نییه
تێرا كرِینا هیزارهكا خهملاندى بیت...
من ئهو هوینكاتى نهمایه
گهوروویا بشكوژهكى پىَ تهرِ ببیت،
ئهوا من ههبوو دگهوروویا بهقان دا ئاسىَ بوو...
ئهوا من ههبوو
ل تایكێن مهرجانان ئالیا.
كانوینا یهكىَ/ 2007
قهزا خهبات